TheRealPatete ye un proyectu de “influencer virtual” qu’inclúi una cuenta en Twitter, una canal en YouTube onde publica los sos noticieros sobro videoxuegos y otros vídeos rellacionaos, según una canal de Twitch col primer streamer animáu de fala hispana.

TheRealPatete ye un youtuber d’otra dimensión apasionáu de los videoxuegos retro que, nos ratos llibres qu’atopa gracies a la so nula vida social, va compartir la so sabiduría friki con nós al traviés de los sos vídeos de reviews, tutoriales, gameplays… y tolo que se-y vaiga asocediendo sobro la marcha y que pueda da-y el so minutu de fama.

Arbeyu Studio presenta un canal de YouTube dedicáu (mayormente) a los videoxuegos y sistemes clásicos, y protagonizáu por TheRealPatete, un youtuber que se corona como’l primera gamer animáu cola so propia canal n’español.

Esta canal inclúi boletinos de noticies sobro videoxuegos, vídeos informativos qu’entrepolen escenes animaes con imaxe real, analís de xuegos, gameplays comentaos y otres coses rellacionaes que van resultar d’interés a señardosos “de la EGB” y videoxugonos por igual.

Tamién dispon d’una canal de Twitch nel que fai streaming de videoxuegos que-y gusten o espanten, según el día que tenga.

Amás, TheRealPatete cuenta con una bien activa cuenta en Twitter onde comparte información sobro xuegos clásicos y nuevos desenvolvimientos de la escena retro (y non tan retro) y otra en Instagram onde cuelga imaxes rellacionaes col mundín de los videoxuegos (que tamién xube a Facebook).

Si quies ser unu de los patrocinadores de TheRealPatete, ¡escríbinos cola to propuesta!